Անգելա Մերկելը սպասում է Թուրքիայում կայանալիք հանրաքվեի արդյունքներին
15:56, 24 Մարտ 2017
ԵՐԵՎԱՆ, 24 ՄԱՐՏԻ, ԱՐՄԵՆՊՐԵՍ: Գերմանիայի կանցլեր Անգելա Մերկելը պատասխանել է Թուրքիայի՝ Եվրամիության անդամ դառնալու գործընթացի դադարեցման վերաբերյալ հարցին:
Այս մասին, ինչպես հաղորդում է «Արմենպրես»-ը, հայտնում է թուրքական «Հաբերլեր»-ը:
Հարցին, թե արդյոք Թուրքիայի՝ Եվրամիությանն անդամակցության գործընթացը կդադարեցվի՞, Անգելա Մերկելը պատասխանել է. «Պետք է սպասենք սահմանադրական հանրաքվեին և շատ այլ բաների»:
Գերմանիայի արտաքին գործերի նախարար Զիգմար Գաբրիելը, մարտի 23-ին պատասխանելով Թուրքիայի Եվրամիության անդամ դառնալու գործընթացը կասեցնելու կոչերին, ասել էր, որ Թուրքիայի հետ անդամակցության շուրջ երկխոսությունը պետք է շարունակվի:
Բաժանորդագրվեք մեր ալիքին Telegram-ում