1000х90.jpg (78 KB)

Երևանում՝ 11:07,   29 Մարտ 2024

Թբիլիսիում կառուցվելու Է կառավարական թաղամաս

Թբիլիսիում կառուցվելու Է կառավարական թաղամաս

 

ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Թբիլիսիի Օրթաչալայի շրջանում կառուցվելու Է կառավարական թաղամաս, որտեղ կտեղավորվեն Վրաստանի գրեթե բոլոր նախարարությունները: Այդ մասին, ինչպես տեղեկացնում Է «Արմենպրես»-ը, նախարարների կաբինետի նիստում հայտարարել Է երկրի վարչապետ Գեորգի Կվիրիկաշվիլին: 
Նա նշել Է, որ կառավարման բարեփոխումների շրջանակներում նախատեսված Է միասնական սպասարկման գրասենյակի ստեղծում, որը կրելու Է «Բիզնես տուն» անվանումը: Դրա հարեւանությամբ կհայտնվի կառավարական թաղամասը: «Հատկացված Է բավականին մեծ տարածք, ուր կտեղափոխվեն նախարարությունները, ինչը, մի կողմից՝ շատ լավ կլինի, քանի որ քաղաքի կենտրոնում կազատվի շատ մեծ  գրասենյակային տարածություն եւ տեղ կբացվի հյուրանոցների համար, իսկ մյուս կողմից՝ կխթանվի շինարարական սեկտորը»,-ասել Է Կվիրիկաշվիլին:  
Վարչապետը վստահ Է, որ նախարարությունները, ոչ մեծ բացառություններով, մեկ շրջանում կենտրոնացնելը կապահովի անցումը որակապես նոր մակարդակի սպասարկման ինչպես իրավաբանական, այնպես Էլ ֆիզիկական անձանց համար: 
Կառավարական թաղամասը կկառուցեն Գուլուա փողոցում: Վրաստանի կառավարության կազմում կա 16 նախարարություն եւ երկու պետնախարարների աշխատակազմ: Կառավարական գրեթե բոլոր գերատեսչությունները գտնվում են Թբիլիսիի կենտրոնում, հաղորդել Է Sputnik-ը:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]