Արտաշատի թատրոնը վերանորոգվում է
11:30, 23 Մարտ 2017
ԱՐՏԱՇԱՏ, 23 ՄԱՐՏԻ, ԱՐՄԵՆՊՐԵՍ: «Թեեւ թատրոնում ընթանում են հիմնանորոգման աշխատանքներ, միեւնույն է, մենք չենք դադարեցնում մեր ամենօրյա փորձերը, թատրոնն իր դռները ոչ մի օր չի գոցում»,-«Արմենպրես»-ի թղթակցին տված հարցազրույցում ընդգծեց Արտաշատի Ամո Խարազյանի անվան պետական դրամատիկական թատրոնի տնօրեն Գեղանուշ Սայադյանը՝ հավելելով, որ սկսած նոյեմբերից՝ վերանորոգման մեկնարկից, թատրոնի անձնակազմը մշտապես ունեցել է արտագնա ներկայացումներ: Դրանք եղել են Մասիսի, Վեդիի, Արտաշատի հարմարեցված դահլիճներում: «Այս պայմաններում խաղացել ենք 25 ամանորյա ներկայացում, փետրվարի 27-28-ին Արտաշատի եւ Մասիսի դպրոցներում հանդես եկանք Պարույր Սեւակի «Ողբամ մեռելոց, կոչեմ ապրողաց» բեմադրությամբ, ունեցանք թատերական ներկայացումներ նաեւ այս ամսին»,-ասաց Սայադյանը:
Այս պահին ընթացքի մեջ է Կարլո Գոլդոնիի «Հյուրանոցի տիրուհին» բեմադրությունը, վերականգնվում է Ակսել Բակունցի «Մթնաձոր», միաժամանակ՝ Հովհաննես Թումանյանի «Շունն ու կատուն» ներկայացումները: Փորձերն իրականացվում են կանանց դիմահարդարման սենյակում, որը փոքրիշատե բարվոք վիճակում է:
Անդրանառնալով արտագնա միջոցառումներին՝ Սայադյանն ասաց. «Եթե հանգամանքներից ելնելով չենք կարողանում հանդես գալ սեփական հարկի տակ, ապա գոնե այս տարբերակով հարթակ ապահովենք: Իհարկե, այս ընթացքում բավականին ֆինանսական կորուստներ ենք կրել, դերասանական կազմի համար եւս հեշտ չէ, սակայն կոլեկտիվը մարտունակ է, չի տրտնջում, եւ անհամբեր սպասում է հարազատ թատրոնի նորացված բեմին»,-նշեց նա:
Հիմնանորոգման աշխատանքների մեջ է մտնում բեմի, դահլիճի, ճեմասրահի նորացումը, թատրոնի երկրորդ եւ երրորդ հարկերի «կոսմետիկ» վերանորոգումը: Սայադյանը զարմանքով եւ ցավով նշեց, որ նախագծողները վերանորոգման աշխատանքների մեջ չեն ընդգրկել շենքի վարչական հատվածը: «Մենք ամեն օր քայլում ենք 1943 թվականին կառուցված փայտյա աստիճանավանդակով: Այն արդեն մաշված ու չափից դուրս հնացած է, նաեւ խիստ վտանգավոր»,-նկատեց Սայադյանը:
Բացի հիմնանորոգման աշխատանքներից՝ թատրոնի հարթակը կվերազինվի լուսաձայնային սարքավորումներով: «Սա շատ թանկ հաճույք է: Դրա համար տրամադրվել է 20 մլն դրամ գումար: Ես արդեն 12 տարի այս թատրոնի տնօրենն եմ, եւ առաջին օրվանից երազել եմ այդ վերազինման մասին»,-ընդգծեց Սայադյանը՝ հավելելով, որ ոչ միայն բեմադրությունների որակը բարձրացնելու հնարավորություն է ստեղծվում, այլեւ Արտաշատ ժամանած հյուրախաղային հետաքրքիր միջոցառումների համար հնարավոր կլինի տրամադրել հարթակ, որը լրացուցիչ ֆինանսական միջոցներ կբերի թատրոնին:
1943 թվականին շահագործման հանձնված թատրոնի շենքը մասնակի վերանորոգվել է միայն 1998 թվականին: Նախորդ տարվա նոյեմբերի 1-ին սկսված հիմնանորոգման աշխատանքների համար պետբյուջեից տրամադրվել է 50 մլն դրամ:
Ամո Խարազյանի անվան պետական դրամատիկական թատրոնը, որպես մարզային մշակութային օջախ, այսօր բավականին ակտիվ գործունեություն է ծավալում: Այստեղ յուրաքանչյուր տարի խաղում են ավելի քան 70 ներկայացում: Պարբերաբար թարմացվում եւ հարստացվում է թատրոնի խաղացանկը` բեմադրվում են նոր ներկայացումներ կամ վերականգնվում հին ու սիրվածները: Յուրաքանչյուր տարի հանդիսատեսի դատին է հանձնվում 3-4 պրեմիերա: Նախորդ տարի թատրոնի անձնակազմը խաղացել է ութ անուն ներկայացում:
Լիլիթ ՄաճկալյանԲաժանորդագրվեք մեր ալիքին Telegram-ում
- 18.04-21:59 Տոբոլ գետի ջրի մակարդակը կրկին բարձրացել է. մի շարք բնակավայրերի բնակիչներ կտարհանվեն
- 18.04-21:52 ՀՀ ՆԳՆ-ն ձեռնամուխ է եղել ԳՐԵԿՈ-ի հանձնարարականների իրականացմանը
- 18.04-21:48
«Գարդման-Շիրվան-Նախիջևան»-ը կոչ է անում միջազգային հանրությանը
արժանի գնահատական տալ Ադրբեջանի սադրանքներին - 18.04-21:41 Իրանը մտադիր է ամրապնդել Ռուսաստանի հետ ռազմական համագործակցությունը. դեսպան
- 18.04-21:27 ՀՀ ՄԻՊ-ը մասնակցել է Մարդու իրավունքների ազգային հաստատությունների եվրոպական ցանցի կառավարման խորհրդի առցանց նիստին
- 18.04-21:13 ՔՏՀԱ տեսչական մարմնի ղեկավարի որոշմամբ Արարատում բենզալցակայանի գործունեություն է դադարեցվել, այն ապամոնտաժվել է
- 18.04-20:57 «Գարդման-Շիրվան-Նախիջևան»-ը ողջունել է Լեմկինի անվան Ցեղասպանության կանխարգելման ինստիտուտի հայտարարությունը
- 18.04-20:45 Թուրքիայում 5.6 մագնիտուդ ուժգնությամբ երկրաշարժ է տեղի ունեցել
- 18.04-20:32 ՀՀ ֆինանսների նախարարության պատվիրակությունը մասնակցում է ԱՄՀ/ՀԲ Կառավարիչների խորհուրդների գարնանային հանդիպումներին
- 18.04-20:19 Ստոլտենբերգը հայտարարել է՝ ՆԱՏՕ-ն աշխատում է ավելի շատ հակաօդային պաշտպանության համակարգեր ուղարկել Ուկրաինա
- 18.04-20:10 Մարմնամարզիկ Արթուր Դավթյանն աշխարհի գավաթի խաղարկության եզրափակիչում է
- 18.04-20:05 Արքայազն Ուիլյամը կնոջ մոտ քաղցկեղի ախտորոշումից հետո վերադարձել է հանրային պարտականությունների կատարմանը
- 18.04-19:49 «Գարդման-Շիրվան-Նախիջևան համահայկական միությունն անդրադարձել է Ադրբեջանում Ֆրանսիայի դեսպանի հետկանչին
- 18.04-19:38 Բերդկունքի ամրոցը կվերականգնվի և կվերածվի արգելոց-թանգարանի
- 18.04-19:27 Իտալիայի ոստիկանությունը ձերբակալել է ամենափնտրվող ամերիկացի հանցագործներից մեկին
- 18.04-19:12 ՀՀ ԱԽ քարտուղարը ԵԱՀԿ ՄԽ Ֆրանսիայի համանախագահին է ներկայացրել ՀՀ- Ադրբեջան բանակցային գործընթացի վերջին զարգացումները
- 18.04-19:03 «Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
- 18.04-18:55
Fastex-ը, Ucraft-ը և Hoory-ն հովանավորել են Dօing Digital 2024 համաժողովը և
հատուկ մրցանակների արժանացել - 18.04-18:47 ԼՂ հուշարձանները ներկայացնող գիրքը հայկական պատմամշակութային
ժառագությունն անգլերենով ճանաչելի կդարձնի նաև օտարազգիներին
- 18.04-18:38 Վարչապետը և Fichtner-ի պատվիրակությունը քննարկել են ՀՀ կառավարության և ընկերության միջև հետագա փոխգործակցության հարցեր
- 18.04-18:29 Դուբայի օդանավակայանը աստիճանաբար վերաբացվում է
- 18.04-18:16 Ապրիլի 19-ի միջոցառումների անոնս
- 18.04-18:15 Վարչապետը և ԵԱՀԿ Մինսկի խմբի Ֆրանսիայի համանախագահն անդրադարձել են տարածաշրջանային նշանակության հարցերի
- 18.04-18:13 Սանկտ Պետերբուրգի «Imperial Orchestra»-ն Երևանում կներկայանա երկու
համերգով
- 18.04-18:00 Բրյուսելյան հանդիպման մասին ադրբեջանական լրատվամիջոցներում հրապարակված թուղթը կեղծ է. ՀՀ ԱԳՆ
10:27, 12.04.2024
5821 դիտում
Հայաստանի դպրոցներում բնականոն դասապրոցեսի կազմակերպման առումով
անհանգստանալու հիմքեր չկան․ ԿԳՄՍՆ
11:00, 13.04.2024
2755 դիտում
Ղազախստանը շահագրգիռ է Հայաստանի հետ համագործակցության
ընդլայնմամբ. Կասիմ-Ժոմարտ Տոկաևի բացառիկ հարցազրույցը
17:35, 13.04.2024
2585 դիտում
Հայաստանում գրանցված երկրաշարժը զգացվել է Երևանում, Գառնի և Ձորաղբյուր
գյուղերում
12:52, 16.04.2024
1832 դիտում
Որակյալ ու բազմազան անվճար կրթություն, գերժամանակակից սարքավորումներ.
«Ավետիսյան» էկոդպրոցը Հայաստանի մարզեր տարածվելու պլաններ ունի
20:25, 12.04.2024
1695 դիտում
Զինծառայողներին տեղափոխող «Ուրալ» մակնիշի ավտոմեքենայի վթարի
հետևանքով վիրավորվել է 20 զինվորական