Ժամանակը Երևանում՝ 11:07:36,   24 Նոյեմբեր

ՀՀ վարչապետը Միհրան Պողոսյանին կառավարության կազմում չի տեսնում


ԵՐԵՎԱՆ, 20 ՄԱՐՏԻ, ԱՐՄԵՆՊՐԵՍ: Հայաստանի Հանրապետության վարչապետ Կարեն Կարապետյանը Հայաստանի Հանրապետական կուսակցության տարածքային ցուցակով պատգամավորության թեկնածու առաջադրված Միհրան Պողոսյանին կառավարության կազմում չի տեսնում: ՀՀԿ նախընտրական քարոզարշավի շրջանակներում Քանաքեռ-Զեյթուն վարչական շրջանի բնակիչների հետ հանդիպմանը ՀՀ վարչապետը պատասխանել է քաղաքացիներից մեկի հարցին, թե որտե՞ղ է տեսնում պատգամավորության թեկնածու, ԴԱՀԿ ծառայության նախկին պետ Միհրան Պողոսյանին: «Կհայտնվի պարոն Պողոսյանն Ազգային ժողովում, թե ոչ, կախված է ձեր վստահության քվեից: Պարոն Պողոսյանին կառավարության կազմում չեմ տեսնում»,- «Արմենպրես»-ի փոխանցմամբ` հայտարարեց վարչապետը:

Նա հիշեցրեց` բազմիցս ասել են, որ իրենց  թիմը բազմաշերտ է ու ներկայացնում է հասարակության բոլոր շերտերը: «Այդ իսկ պատճառով ձեզանից յուրաքանչյուրը կարող է մեր թիմում տեսնել իր  նմանին: Մենք սոցիալական հարցումների հիման վրա առաջադրել ենք մեր տարածքային թեկնածուներին և ձեզանից յուրաքանչյուրը կարող է կատարել ընտրություն այս կամ այն թեկնածուի միջև»,- եզրափակեց վարչապետը:

 



Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 10 539818
Էլ-փոստ՝ [email protected]
Яндекс.Метрика
Էջի կարգավորումներ