Երևանում՝ 11:07,   19 Մարտ 2024

Արաբագետը տարածաշրջանային համագործակցության առումով կարևոր է համարում Իրաքում հյուպատոսության ստեղծումը

Արաբագետը տարածաշրջանային համագործակցության առումով կարևոր է համարում 
Իրաքում հյուպատոսության ստեղծումը

ԵՐԵՎԱՆ,18 ՄԱՐՏԻ, ԱՐՄԵՆՊՐԵՍ: Իրաքի Քուրդիստանի տարածաշրջանի Էրբիլ քաղաքում հյուպատոսության ստեղծումը տարածաշրջանային համագործակցության առումով Հայաստանի համար շատ կարևոր է: «Արմենպրես»-ի հաղորդմամբ` մարտի 18-ին լրագրողների հետ հանդիպման ժամանակ այս մասին ասաց ԵՊՀ Հայագիտական հետազոտությունների ինստիտուտի հայ-քրդական առնչությունների բաժնի գիտաշխատող, արաբագետ Սարգիս Գրիգորյանը:

«Հայաստանի անմիջական ներկայությունը Իրաքում հյուպատոսության մակարդակով  նպաստելու է հայ-իրաքյան հարաբերությունների  զարգացմանը, ինչը  բավականին կարևոր է Հայաստանի համար: Իհարկե, Իրաքը ունի սոցիալ-տնտեսական խնդիրներ, սակայն վերջինիս տարածաշրջանային դերակատարումը չի նվազում»,- ասաց արաբագետը:

Մարտի 13-ին ՀՀ Նախագահ Սերժ Սարգսյանը հրամանագիր է ստորագրել, համաձայն որի՝ Իրաքի Հանրապետության Էրբիլ քաղաքում կստեղծվի Հայաստանի Հանրապետության գլխավոր հյուպատոսություն։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]