Սիրիայում ռեկորդային թվով երեխաներ են սպանվել. ՄԱԿ
10:21, 13 Մարտ 2017
ԵՐԵՎԱՆ, 13 ՄԱՐՏԻ, ԱՐՄԵՆՊՐԵՍ: Սիրիայում 2016 թվականին ռեկորդային թվով երեխաներ են սպանվել հակամարտության ընթացքում, ինչի մասն վկայում Է ՄԱԿ-ի նոր հաշվետվությունը: Կազմակերպության մանկական հիմնադրամի՝ ՅՈՒՆԻՍԵՖ-ի տվյալներով՝ անցյալ տարի Սիրիայում սպանվել Է ավելի քան 650 երեխա, տեղեկացնում Է «Արմենպրես»-ը՝ հղում անելով BBC-ին:
Հարյուրավոր երեխաներ Էլ մահացել են հիվանդություններից, որոնք կարելի Էր բուժել անհրաժեշտ դեղորայքի եւ բուժօգնության առկայության դեպքում, նշվում Է զեկույցում:
ՅՈՒՆԻՍԵՖ-ի հաշվետվությունը հրապարակվել Է Սիրիայում զինված հակամարտության սկսվելու վեցամյակի նախաշեմին:
Մանկական հիմնադրամի տվյալներով՝ անցյալ տարի առնվազն 851 երեխաներ հարկադրված են եղել զինված խմբավորումների կազմում մասնակցել մարտական գործողություններին, ինչը կրկնակի ավելի Է, քան մեկ տարի առաջ:
Բաժանորդագրվեք մեր ալիքին Telegram-ում