Կալիֆոռնիայում հարյուրավոր մարդիկ են տարհանվել հեղեղումների պատճառով
11:32, 22 Փետրվար 2017
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: Հորդառատ անձրեւներից առաջացած հեղեղման պատճառով առնվազն 225 մարդ Է տարհանվել ԱՄՆ-ի Կալիֆոռնիայի նահանգի Սան Խոսե քաղաքի արվարձաններում: Այդ մասին, ինչպես տեղեկացնում Է «Արմենպրես»-ը, հայտնել Է ABC News հեռուստաալիքը՝ հղում անելով հրշեջ ծառայությունների ներկայացուցչին:
Միթչ Մեթլոուն ասել Է, որ փրկարարների խմբերը նավակներ են օգտագործում, որպեսզի մարդկանց օգնեն հասնել վարակազերծման հատուկ գոտիներ, որտեղից նրանց տեղափոխում են ապաստարաններ: Ջրահոսքերն իրենց հետ բերում են բեկորներ, կեղտ, ավտոմոբիլային հեղուկներ, ինչը կարող Է վատացնել մարդկանց ինքնազգացողությունը, նշել Է նա:
Քաղաքի իշխանությունները կարգադրել են տարհանել առանձին շրջանների բնակիչների եւ նախազգուշացրել նրանց, ում կարող են սպառնալ հեղեղումները, հաղորդել Է ՌԻԱ Նովոստին:
Լուսանկարը` REUTERS
Բաժանորդագրվեք մեր ալիքին Telegram-ում