Հայաստանի երիտասարդական հավաքականի չորս ֆուտբոլիստներ զինվորական ծառայության զորակոչից տարկետում կստանան
18:56, 21 Փետրվար 2017
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: ՀՀ կառավարությունը ֆուտբոլի Հայաստանի երիտասարդական հավաքականի ֆուտբոլիստներ Հրաչիկ Գևորգյանին, Մարկ Գրիգորյանին, Հայկ Գալստյանին և Ալեքսանդր Հովհաննիսյանին մինչև 2019 թվականի ամառային զորակոչը պարտադիր զինվորական ծառայության զորակոչից տարկետում կտա: Ինչպես տեղեկացնում է «Արմենպրես»-ը, այդ մասին որոշման նախագիծն ընդգրկված է կառավարության փետրվարի 23-ի նիստի օրակարգում:
Հրաչիկ Գևորգյանը հաշվառված է Արտաշատի տարածքային զինվորական կոմիսարիատում, Մարկ Գրիգորյանը՝ Մարտունու, Հայկ Գալստյանը և Ալեքսանդր Հովհաննիսյանը՝ Երևանի Կենտրոնի տարածքային զինվորական կոմիսարիատում:
Նշված ֆուտբոլիստները հանդես են գալիս արտասահմանյան ակումբներում:
Բաժանորդագրվեք մեր ալիքին Telegram-ում