Ամենաբարձր միջին ամսական անվանական աշխատավարձը գրանցվել է Սյունիքի մարզում
18:05, 21 Փետրվար 2017
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Հայաստանում 2016 թվականի չորրորդ եռամսյակում միջին ամսական անվանական աշխատավարձը կազմել է 198 հազար 813 ՀՀ դրամ: Ինչպես տեղեկացնում է «Արմենպրես»-ը` վկայակոչելով ՀՀ ազգային վիճակագրական ծառայության տվյալները, ամենաբարձր միջին ամսական անվանական աշխատավարձը գրանցվել է Սյունիքի մարզում` կազմելով 245 հազար 667 դրամ:
Ամենացածր միջին ամսական անվանական աշխատավարձը գրանցվել է Արագածոտնի մարզում: 2016 թվականի չորրորդ եռամսյակում այն կազմել է 133 հազար 2 դրամ:
Երևանում 2016 թվականի չորրորդ եռամսյակում միջին ամսական անվանական աշխատավարձը եղել է 216 հազար 174 դրամ:
Համեմատաբար ցածր միջին ամսական անվանական աշխատավարձ է գրանցվել նաև Շիրակում` կազմելով 140 հազար 90 դրամ:
Բաժանորդագրվեք մեր ալիքին Telegram-ում