Ցանցի օգտատերերին առաջարկել են գանգատվել կյանքի դառնություններից
17:39, 21 Փետրվար 2017
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Twitter-ում տարածում Է ստանում Mickey McCauley օգտահաշիվը, որի հեղինակը՝ Ջոն Միգել ՄաքՔոլին, մյուս օգտատերերին առաջարկել Է գանգատվել իրենց կյանքից եւ ի պատասխան ստանալ սփոփանքի խոսքեր, տեղեկացնում Է «Արմենպրես»-ը:
«Այս պղծված աշխարհում ոչ մեծ տհաճություններից գանգատները կարող են թվալ մանր եւ եսասիրական: Բայց ոչ այստեղ, բարեկամ: Պատմիր ինձ քո դառնությունների մասին»,-հայտարարել Է նա սոցիալական ցանցում:
Չորս օրվա ընթացքում հավաքելով ավելի քան 1,8 հազար լայք եւ 490 ռեփոստ՝ ՄաքՔոլիի թվիթը գրավել Է Twitter-ի բազմաթիվ օգտատերերի ուշադրությունը, որոնք սկսել են նրան պատմել իրենց խնդիրների ու անհաջողությունների մասին:
Շատերը գրել են անհեթեթ իրավիճակների կամ փոքր գժտությունների մասին: «Իմ կատուները չեն հարգում ինձ եւ իմ բնակարանը»,- գանգատվել Է նրանցից մեկը:
Իսկ մի քանիսը խոսել են ավելի խորը սոցիալական խնդիրների մասին, որոնց հետ նրանց հարկ Է եղել բախվել: «Հասարակական տրանսպորտում ինձ իրենց տեղը չեն զիջում, եթե ես ազատ հագուստ եմ կրում եւ դրանում չի երեւում իմ կլորացած փորը»,- դժգոհել Է lhautala նիկով հղի կինը:
Հրապարակումից երեք օր անց ՄաքՔոլին բաժանորդներին խոստովանել Է, որ ֆիզիկապես չի հասցնում պատասխանել բոլորին եւ ներողություն Է խնդրում: «Բարեկամներ, ես 49 ժամով ետ եմ մնում ձեր թվիթներից, բայց ջանում եմ պատասխանել յուրաքանչյուրին: Ներողություն, որ ստիպված եք սպասել: Այդ ամենը շատ զիլ Է»,-հավելել Է նա:
Բաժանորդագրվեք մեր ալիքին Telegram-ում