Մոսկվայի բանկում պատանդներ վերցրած հայ գործարարի մայրը հայտնվել Է հոգեբուժարանում
17:05, 21 Փետրվար 2017
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Մոսկվայի «Սիթիբանկի» մասնաճյուղում պատանդներ վերցրած գործարար Արամ Պետրոսյանի մայրը տեղավորվել Է Հայաստանի հոգեբուժարաններից մեկում: Այդ մասին, ինչպես տեղեկացնում Է «Արմենպրես»-ը՝ հղում անելով ՌԻԱ Նովոստիին, մեղադրյալը հայտարարել Է Մոսկվայի Պրեսնյայի դատարանում:
Նա պարզաբանել Է, որ կինը տառապում Է Ալցհեյմերի հիվանդությամբ:
«Քանի որ ես ձերբակալված եմ, եւ Մոսկվայում նրան խնամող չկա, նրան ուղարկել են Հայաստան եւ տեղավորել հոգեբուժական հիվանդանոցում»,-ասել Է Պետրոսյանը: Նա դատարանին խնդրել Է իրեն տեղափոխել տնային կալանքի, որպեսզի ինքը կարողանա խնամել մորը:
Պետրոսյանը մեղադրվում Է ահաբեկչության եւ պատանդառման մեջ, դատարանի որոշմամբ նա պահվում Է կալանքի տակ, կալանքի ժամկետը սահմանված Է մինչեւ ապրիլի 24-ը: Հետաքննությունը ստացիոնար հոգեբանա-հոգեբուժական փորձաքննություն Է նշանակել բիզնեսմենին: Առաջինը, որն անցկացվել Է ամբուլատոր, եզրակացրել, Է որ Պետրոսյանը մեղսունակ Է:
2016 թվականի օգոստոսին Պետրոսյանը Մոսկվայի կենտրոնում չորս պատանդ Է վերցրել «Սիթիբանկի» մասնաճյուղում, որն սպառնացել Է պայթեցնել: Այնուհետեւ նա բաց Է թողել պատանդներին եւ հանձնվել իրավապահներին: Այն առարկան, որը նա որպես ռումբ Էր ներկայացնում, մուլյաժ Է եղել: Ինչպես հարցաքննության ժամանակ հայտարարել Է Պետրոսյանը, այդ կերպ ինքը ցանկացել Է ուշադրություն հրավիրել սնանկացումների խնդրի վրա:
Բաժանորդագրվեք մեր ալիքին Telegram-ում