Գիտնականները պարզել են, որ խրոնիկական ալկոհոլիզմն արագացնում Է զարկերակների ծերացումը
16:44, 21 Փետրվար 2017
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Ալկոհոլի չարաշահման ծանր ձեւերը ոչ միայն քայքայում են լյարդը, այլեւ արագացնում են զարկերակների ծերացումը, ինչը մեծացնում Է անեւրիզմների, սրտի նոպաների եւ սրտի ու անոթների այլ հիվադնությունների զարգացման հնարավորությունները: Այդ մասին, ինչպես տեղեկացնում Է «Արմնպրես»-ը, գիտնականները հայտարարել են JAHA հանդեսում հրապարակված հոդվածում:
«Մենք վաղուց Էինք կասկածում, որ ոչ մեծ չափաբաժիններով ալկոհոլի ընդունումն արյան մեջ մեծացնում Է «լավ» խոլեստերինի պարունակությունը եւ նվազեցնում դրա թիթեղիկների կպչունությունը:
Ոգելից խմիչքների երկարատեւ ընդունումն, ընդհակառակը, հանգեցնում Է բացասական հետեւանքների. այն հանգեցնում Է անոթների պատերին կոլագենի կուտակման, ինչի հետեւանքով զարկերակները ժամանակի ընթացքում կորցնում են առաձգականությունը»,- հայտարարել Է Դառա Օ’Նիլը Լոնդոնի Համալսարանական քոլեջից (Մեծ Բրիտանիա):
Վերջին տարիներին կենսաբաններն ու բժիշկները գտնում են այն բանի ավելի ու ավելի շատ վկայություններ, որ ալկոհոլի երկարատեւ ընդունումը ոչ միայն հանգեցնում Է լյարդի ցիռոզի եւ ուղեղի աշխատանքի խանգարումների, այլեւ այլ շատ ծանր հետեւանքների:
Օ’Նիլը եւ նրա գործընկերները գտել են մարդու օրգանիզմի վրա ալկոհոլի բացասական ներգործության եւս մեկ օրինակ՝ 25 տարվա ընթացքում հետեւելով միջին եւ տարեց տարիքի մոտավորապես չորս հազար մարդու կյանքին, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում