«Ռոսնեֆտը» կսկսի ածխաջրածիններ գնել Իրաքյան Քրդստանից
13:24, 21 Փետրվար 2017
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: «Ռոսնեֆտը» եւ Քրդստանի իրաքյան տարածաշրջանային կառավարությունը համաձայնագիր են ստորագրել ածխաջրածինների հետախուզման, արդյունահանման, ենթակառուցվածքի, լոգիստիկայի եւ թրեյդինգի բնագավառում համագործակցության վերաբերյալ: Այս մասին ասված Է ընկերության կայքում զետեղված մամուլի տեղեկագրում:
Փաստաթուղթը նախատեսում Է հոլդինգի կողմից կանխավճարով նավթի գնում 2017-ից մինչեւ 2019 թվականն ընկած ժամանակահատվածում: Նշվում Է, որ հումքի գնող հանդես կգա «Ռոսնեֆտի» Rosneft Trading SA թրեյդինգային ստորաբաժանումը: Ածխաջրածինների մատակարարման ծավալները չեն ճշտվում:
«Մենք ուրախ ենք Քրդստանի հետ փոխշահավետ գործընկերություն սկսելու առթիվ եւ հուսով ենք, որ համատեղ կկարողանանք վաճառահանման նոր շուկաներ գտնել քրդական նավթի համար: Պարտավորագիրը թույլ կտա հումքով ապահովել «Ռոսնեֆտի» նավթավերամշակման գործարանների ընդլայնվող միջազգային ցանցը եւ բարձրացնել դրանց արդյունավետությունը»,- ասել Է ընկերության գլխավոր գործադիր տնօրեն Իգոր Սեչինը՝ մեկնաբանելով գործարքը:
Բաժանորդագրվեք մեր ալիքին Telegram-ում