Արցախի Սահմանադրական հանրաքվեի ընթացքում խախտումներ չեն արձանագրվել. Մերձդնեստրի ներկայացուցիչ
22:00, 20 Փետրվար 2017
ՍՏԵՓԱՆԱԿԵՐՏ, 20 ՓԵՏՐՎԱՐԻ, ԱՐՄԵՆՊՐԵՍ: Սահմանադրական հանրաքվեն Լեռնային Ղարաբաղի Հանրապետությունում ընթացել են նորմալ: «Արմենպրես»-ի հաղորդմամբ, փետրվարի 20-ին Ստեփանակերտում ամփոփելով ընտրական օրն, այս մասին ասաց Մերձդնեստրի Մոլդովական Հանրապետության դիտորդական պատվիրակության անդամ, Մերձդնեստրի խորհրդարանի պատգամավոր Գրիգորի Յեչենկոն։
«Իմ այցելած ընտրատեղամասերում խախտումներ չեն հանդիպել:Մի շարք, հատկապես՝ գյուղական համայնքներում , արդեն ժամը 13:00-ին կարելի էր ասել, որ հանրաքվեն կայացել է, քանի որ մարդիկ քվեարկության էին գնում մեծ խանդավառությամբ, ու սա իսկապես տոն էր նրանց համար»,- ասաց Յեչենկոն։
Մերձդնեստրի պատգամավորը հավելեց, որ սա ևս մեկ քայլ էր Արցախի պետականության կայացման ուղղությամբ:
Բաժանորդագրվեք մեր ալիքին Telegram-ում