1000х90.jpg (78 KB)

Երևանում՝ 11:07,   29 Մարտ 2024

Սուրեն Կարայանը պատասխանատուների հետ քննարկել է «Աշտարակ կաթ»-ի առողջացման ծրագրի ընթացքը

Սուրեն Կարայանը պատասխանատուների հետ քննարկել է «Աշտարակ կաթ»-ի 
առողջացման ծրագրի ընթացքը

ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: ՀՀ տնտեսական զարգացման և ներդրումների նախարար Սուրեն Կարայանը փետրվարի 20-ին հանդիպել է «Աշտարակ կաթ» ընկերության առողջացման նպատակով  իրականացվող ծրագրի ներդրող՝ ամերիկահայ գործարար Արա Ասատրյանի և ծրագրի իրականացման այլ պատասխա­նատուների հետ՝ քննարկելու ներկայում առողջացման ծրագրին առնչվող խնդիրները։ Ինչպես «Արմենպրես»-ին տեղեկացրին ՀՀ տնտեսական զարգացման և ներդրումների նախարարության տեղեկատվության և հասարակայնության հետ կապերի բաժնից,

Նախարար Սուրեն Կարայանը նշել է, որ պատրաստակամ է՝ իր լիազորությունների շրջանակներում նպաստել առաջացած խնդիրների լուծմանը և  ծրագրի իրականացմանը։ «Կարևոր է, որ արտադրությունը շարունակվի, քանի որ այն աշխատանքով ապահովում է ավելի քան 300 քաղաքացիների, ինչպես նաև՝ առնչվում է բազմաթիվ գյուղացիական տնտեսությունների բնականոն գործունեությանը»,- նշել է նախարարը։

Հյուրերը քննարկման ընթացքում ներկայացրել են «Աշտարակ կաթ» ընկերության սնանկացման գործընթացով պայմանավորված խնդիրները։ Նախարար Սուրեն Կարայանն առաջարկել է կազմակերպել եռակողմ հանդիպում՝   անվճարունակության վարույթում օրենսդրու­թյամբ սահմանված կարգով նշանակված կառավարչի, ներդրողի ներկայացուցիչների և նախարարության պաշտոնյաների մասնակցությամբ՝ առկա խնդիրների լուծման հնարավոր տարբերակաները քննարկելու և արդյունավետ լուծումներ գտնելու նպատակով։

Ներդրողի ներկայացուցիչները քննարկման ընթացքում տեղեկացրել են, որ անցած երեք ամիսների ընթացքում մարվել  է գյուղացիների հանդեպ «Աշտարակ կաթ»-ի պարտքերի շուրջ 65 տոկոսը։ Ձեռք են բերվել շուրջ 50 մլն դրամի սարքավորումներ՝ արտադրական գործընթացը բարելավելու նպատակով։

Ամերիկահայ գործարար Արա Ասատրյանը նշել է,  որ արտադրական սարքավորումների մեծ մասը  նորով փոխարինելու կարիք կա։ Նա վերահաստատել է նաև, որ պատրաստ են ներդրում իրականացնել, և  կարևորում են, որ ընկերությունն իր բնականոն արտադրությունն իրականացնի։ «Այժմ Հայաստանում ներդրումներ իրականցնելու համար բարենպաստ պայմաններ են»,-  նշել է Արա Ասատրյանը։

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]