ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Ադրբեջանում 2017-ի հունվարին արտադրվել է 199,5 մլն մանաթի նավթամթերք: Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.org-ը:

Ադրբեջանի պետական վիճակագրության կոմիտեի հաղորդմամբ` այս ցուցանիշը 2016-ի հունվարի համեմատ 10,2 տոկոսով պակաս է:

Կոմիտեի տվյալներով` սպիտակ նավթի արտադրությունը նվազել է 7,9 տոկոսով, վառելանավթի արտադրությունը` 28,5 տոկոսով, դիզվառելիքի արտադրությունը` 17,5 տոկոսով: 

Ադրբեջանական փորձագետները նավթամթերքների արտադրության նվազումը տնտեսության համար խիստ բացասական ազդակ են համարում:

Նրանց պնդմամբ՝ Ադրբեջանը պետք է կարողանա բավարարել իր նավթամթերքների ներքին պահանջը: