Ralph Lauren-ը հագուստի նոր հավաքածու Է ներկայացրել
14:01, 17 Փետրվար 2017
ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: Ralph Lauren ամերիկյան մակնիշը ներկայացրել Է հագուստի նոր հավաքածու: Շնորհանդեսը տեղի Է ունեցել Նյու Յորքի Մեդիսոն Ավենյուի առաջատար բուտիկում: Այդ մասին, ինչպես տեղեկացնում Է «Արմենպրես»-ը, հայտնել Է բրենդի մամուլի ծառայության ներկայացուցիչը:
Մակնիշը փոխել Է վաճառքների ռազմավարությունը, եւ նոր հավաքածուից իրեր գնելը կարելի կլինի արդեն ցուցադրությունից հետո: Ավելի վաղ դրան հարկ Էր լինում սպասել մի քանի շաբաթ:
Ralph Lauren Corporation ամերիկյան ընկերությունը հիմնվել Է 1967 թվականին: Առաջին բուտիկը բացվել Է 1969 թվականին Նյու Յորքում՝ Մանհեթենի վրա: Այժմ բրենդը թողարկում Է հագուստ, աքսեսուարներ, պարֆյումերիա, պերճանքի առարկաներ, ինչպես նաեւ ապրանքներ տան համար:
Լորենն ԱՄՆ-ի ամենահարուստ բնակիչներից մեկն Է: Forbes հանդեսը նրա կարողությունը գնահատել Է 6,2 մլրդ դոլար:
2015 թվականի գարնանը Լորենը հայտարարեց նորաձեւության տան ղեկավարի պաշտոնից հեռանալու մասին՝ թողնելով բրենդի կրեատիվ տնօրենի դիրքը:
Բաժանորդագրվեք մեր ալիքին Telegram-ում