«Ռոսկաչեստվո»-ի վարկանիշում Samsung-ի սմարթֆոններն առաջ են անցել iPhone-ից
17:38, 14 Փետրվար 2017
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: Որակի ռուսական համակարգը (Ռոսկաչեստվո) սմարթֆոնների հետազոտություն Է անցկացրել եւ կազմել դրանց վարկանիշը, որում միագումար ցուցանիշներով առաջին հորիզոնականներն զբաղեցրել են հարավկորեական Samsung ընկերության սարքերը, առաջ անցնելով ամերիկյան Apple-ի iPhone-ից: Այդ մասին, ինչպես տեղեկացնում Է «Արմենպրես»-ը, ասված Է «Ռոսկաչեստվո»-ի հաղորդագրության մեջ:
Սմարթֆոնների հրապարակված վարկանիշն այժմ բաղկացած Է ժողովրդականություն վայելող համաշխարհային բրենդների շուրջ 250 մոդելներից: Samsung-ի սարքերը (Galaxy-ի տարբեր մոդելները) զբաղեցնում են վարկանիշի առաջինից մինչեւ յոթերորդ հորիզոնականները, ութերորդում՝ LG-ն Է, իններորդում՝ կրկին Samsung-ը, իսկ Apple-ի սմարթֆոններն զբաղեցնում են 10-13-րդ հորիզոնականները:
Ինչպես ճշտում Է «Ռոսկաչեստվո»-ն, սմարթֆոնների թեստավորումը կատարվել Է քսան ուղղություններով, ներառյալ դիմացկունությունը, ձայնի եւ տեսագրության որակը, արտադրողականությունը, տվյալների մշակման արագությունը, ֆունկցիոնալությունը, կուտակչի աշխատանքը: Ընդամենն ուսումնասիրվել Է որակի 274 ցուցանիշ, հաղորդել Է ՌԻԱ նովոստի գործակալությունը:
Բաժանորդագրվեք մեր ալիքին Telegram-ում