iPhone 8-ում կտեղակայեն Samsung-ի դիսփլեյը
17:55, 13 Փետրվար 2017
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Apple ընկերությունը Samsung Display-ին 60 միլիոն OLED-պանել Է պատվիրել iPhone-ի համար, որը ներկայացվելու Է 2017 թվականին: Պարտավորագրի գումարը 5 տրլն կորեական վոն Է (4,3 մլրդ դոլար): Այդ մասին, ինչպես տեղեկացնում Է «Արմենպրես»-ը, գրել Է The Investor-ը:
Samsung Display-ը Apple-ի համար դիսփլեյների գլխավոր մատակարարներից մեկն Է: Նա նաեւ OLED-դիսփլեյների խոշորագույն արտադրողն Է աշխարհում՝ զբաղեցնելով շուկայի ավելի քան 95 տոկոսը: Նշվում Է, որ յուրաքանչյուր մատրիցն Apple-ի վրա կնստի 71 դոլար: Համեմատության համար նշենք, որ iPhone 7-ի համար IPS-մատրիցները, ոչ պաշտոնական հաշվարկներով, արժեցել են մոտավորապես 40 դոլար:
Դրա հետ մեկտեղ 2016 թվականին Apple-ը եւս 100 մլն OLED-մատրիցներ Է պատվիրել Samsung Display-ին սմարթֆոնների համար: Եթե հաշվի առնենք, որ ամեն տարի ընկերությունը վաճառում Է շուրջ 200 մլն հեռախոս, ապա Samsung Display-ն Էկրաններով կապահովի iPhone 8-ի առնվազն 80 տոկոսը:
iPhone 8-ում OLED-դիսփլեյի առկայության մասին տեղեկատվությունը հաստատել Է Sharp-ի գլխավոր տնօրեն Տայ Ջեն-վուն: Նա նշել Է, որ սմարթֆոններում LTPS-պանելների օգտագործումից հրաժարվելը միակ ճանապարհն Է Apple-ի համար, եթե նա ցանկանում Է ստեղծել ինովացիոն արտադրանք:
Բաժանորդագրվեք մեր ալիքին Telegram-ում