Ժամանակը Երևանում՝ 11:07:36,   27 Հունվար

Մեծ Բրիտանիայի Եղիսաբեթ Բ թագուհին նշում Է գահակալման 65-ամյա հոբելյանը

Մեծ Բրիտանիայի Եղիսաբեթ Բ թագուհին նշում Է գահակալման 65-ամյա հոբելյանը

ԵՐԵՎԱՆ, 6 ՓԵՏՐՎԱՐԻ, ԱՐՄԵՆՊՐԵՍ: Մեծ Բրիտանիայի Եղիսաբեթ Բ թագուհին փետրվարի 6-ին նշում Է գահակալման 65-ամյակը: Նա կդառնա պատմության մեջ առաջին բրիտանական միապետը, որին բախտ Է վիճակվել տոնելու այդ տարեթիվը, որը կոչվում Է կառավարման շափյուղյա հոբելյան: 
1977 թվականին նա նշել Է գահին՝ իր գտնվելու 25-այմակը (արծաթե հոբելյան), 2002 թվականին՝ 50-ամյակը (ոսկե), 2012 թվականին՝ 60-ամյակը (ադամանդե), տեղեկացնում Է «Արմենպրես»-ը՝ հղում անելով BBC-ին:
Փետրվարի 6-ին՝ տեղական ժամանակով կեսօրին (Երեւանի ժամանակով ժամը 16:00-ին) թագուհու պատվին Լոնդոնի Գրին-պարկում թագավորական հրետանին կտա 41 թնդանոթային համազարկ: Այլ հրապարակային միջոցառումներ պլանավորված չեն: 
Եղիսաբեթ Բ-ն գահ Է բարձրացել 25 տարեկանում: 2015 թվականի սեպտեմբերին նա գերազանցել Է գահին գտնվելու տեւողության՝ Վիկտորյա թագուհու ռեկորդը, իսկ անցյալ տարվա ապրիլի 21-ին տոնել Է իր 90-ամյակը: 
Այն բանից հետո, երբ 2016 թվականի հոկտեմբերի 13-ին վախճանվեց Թաիլանդի Փումիփոն Ադուլյադեթ թագավորը (Ռամա IX-ը), Եղիսաբեթը դարձել Է աշխարհի՝ ներկայում ապրող միապետերից ամենաերկարատեւ կառավարողը, հաղորդել Է ՏԱՍՍ-ը:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ