Apple-ը Հնդկաստանում IPhone-ի արտադրությունը կարող Է սկսել արդեն հունիսին. Times Of India
12:21, 3 Փետրվար 2017
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Apple ամերիկյան կորպորացիան Հնդկաստանի Բանգալոր քաղաքի մերձակա օբյեկտում սմարթֆոնների հավաքումը կարող Է սկսվել արդեն հունիսին: Երկրի Էլեկտրոնիկայի եւ տեղեկատվական տեխնոլոգիաների նախարարությունը արդեն մամուլի տեղեկագիր Է հրապարակել, որում ողջունում Է առաջին արտադրական գործողությունների ակնկալվող սկիզբը, տեղեկացնում Է «Արմենպրես»-ը՝ հղում անելով Times Of India-ին:
Նախարարությունում նշել են, որ Հնդկաստանում Apple-ի սմարթֆոնների արտադրությունը «կնպաստի առաջավոր տեխնոլոգիաների զարգացմանը», որոնք երկրին անհրաժեշտ են «գլոբալ մակարդակով մրցակցելու համար»: Ինչպես հավելում Է թերթը, արտադրության սկսվելու կոնկրետ ժամկետները չեն նշվել, բայց սպասվում Է, որ դա տեղի կունենա հունիսին:
Ավելի վաղ՝ 2015 թվականի հունվարի վերջին, ամերիկյան կորպորացիան հայտարարել Էր, որ մոտ Է Հնդկաստանի տարածքում իր ապրանքների թողարկման թույլտվության շուրջ այդ երկրի կառավարության հետ վերջնական համաձայնության հասնելուն, սակայն այն ժամանակ դեռ պետք Է համաձայնություններ ձեռք բերվեին ընկերության համար հարկային ու սակագնային արտոնությունների վերաբերյալ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում