Apple-ն առաջին անգամ վաճառքների ցուցանիշով զիջել Է առաջատարի դիրքը Չինաստանում
17:34, 30 Հունվար 2017
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Հինգ տարվա ընթացքում առաջին անգամ iPhone-ը կորցրել Է Չինաստանում ամենաշատ վաճառվող սմարթֆոնի կոչումը: Այդ մասին, ինչպես տեղեկացնում Է «Արմենպրես»-ը, հայտնել Է Gizmochina-ն՝ վկայակոչելով Counterpoint Research վերլուծական ընկերությունը:
Անցյալ տարի առաջատար Է դարձել Oppo R9-ն , որի վաճառքները կազմել են 17 մլն հատ, ինչը համապատասխանում Է չինական շուկայի չորս տոկոսին: iPhone 6s-ի վաճառքները կազմել են 12 մլն սարք (շուկայի 2 տոկոսը): Վերլուծաբանների տվյալներով՝ Չինաստանում սմարթֆոնների վաճառքները 2016 թվականին հասել են պատմական առավելագույնին:
Նաեւ վերլուծաբանները նշել են, որ սմարթֆոնների գլխավոր չինական արտադրողների՝ Oppo-ի, Vivo-ի եւ Huawei-ի վաճառքները ավելացել են համապատասխանաբար 109, 78 եւ 21 տոկոսով: Apple-ի եւ Xiaomi-ի ցուցանիշները, ընդհակառակը, վատացել են համապատասխանաբար 21 եւ 22 տոկոսով:
Բաժանորդագրվեք մեր ալիքին Telegram-ում