Ճապոնիայում աշխարհում առաջին անգամ միջտեսակային մակարդակում օրգան են աճեցրել ցողունային բջիջներից. NHK
16:24, 26 Հունվար 2017
ԵՐԵՎԱՆ, 26 ՀՈՒՆՎԱՐԻ, ԱՐՄԵՆՊՐԵՍ: Տոկիոյի համալսարանի մի խումբ գիտնականներ կարողացել են առողջ ենթաստամոքսային գեղձ աճեցնել առնետի մարմնում՝ օգտագործելով մկան ցողունային բջիջներ: Այս մասին, ինչպես տեղեկացնում Է «Արմենպրես»-ը, հայտնել Է NHK հանրային հեռուստատեսությունը:
Գիտնականներին աշխարհում առաջին անգամ հաջողվել Է կենդանի օրգանիզմի կառուցվածքային մաս վերարտադրել միջտեսակային մակարդակում. մի Էակի օրգան աճեցնել մյուսի մարմնում:
Մկան մարմնում փոխպատվաստումից հետո ենթաստամոքսային գեղձը լիովին գործել Է: Գիտնականների կարծիքով՝ այս գիտափորձի հաջողությունը հնարավորություն Է բացում կենդանիների մարմիններում մարդու օրգանների աճեցման համար՝ հետագա փոխպատվաստման նպատակով, սակայն նման փոխպատվաստաբանության հեռանկարները բազմաթիվ Էթիկական հարցեր են հարուցում միջազգային բժշկական հանրակցության մեջ:
Հետազոտական խմբի հաջորդ քայլը կդառնա խոզի մարմնում կապիկի օրգանների աճեցման փորձը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում