iPhone 8-ը պաշտպանության նոր համակարգ կունենա
11:06, 24 Հունվար 2017
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Apple-ը մշակում Է օգտատիրոջ կենսաչափական նույնականացման նոր համակարգ, հայտնել Է KGI Securities ընկերության վերլուծաբան Մին Չի Կուոն: Տեխնոլոգիան փոխարինելու կգա Touch ID-ին: Այդ մասին, ինչպես տեղեկացնում Է «Արմենպրես»-ը, հունվարի 23-ին գրել Է AppleInsider-ը:
Փորձագետի խոսքով՝ Apple-ն աշխատում Է օպտիկական սենսորի տեխնոլոգիայի վրա՝ OLED-դիսփլեյի միջոցով մատնադրոշմների ճանաչման համար: Դա թույլ կտա ստեղծել սմարթֆոն, որի Էկրանը կարող Է ընթերցել կենսաչափական տվյալները: Բացի դրանից, ճկուն OLED-Էկրանները շատ ավելի բարակ են TFT-LCD նմանակներից, ինչը թույլ կտա հասնել սքաների աշխատանքի ավելի բարձր ճշգրտության:
Մին Չի Կուոն կարծում Է, որ ապագայում ընկերությունը կներդնի երկմակարդակ պաշպանություն՝ դեմքերի ճանաչման համակարգի հետ մեկտեղ մատնադրոշմների սքաների օգտագործմամբ: Նա հավելել Է, որ ապագայում Apple-ի սմարթֆոններում կվերանա մատնադրոշմների սենսորը եւ կօգտագործվեն կենսաչափական նույնականացման այլ տեխնոլոգիաներ:
Բաժանորդագրվեք մեր ալիքին Telegram-ում