Անձրեւը կօգնի Թրամփին՝ ապացուցելու, որ կեղծամ չի կրում
16:32, 20 Հունվար 2017
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի նորընտիր նախագահ Դոնալդ Թրամփը հայտարարել Է, որ վշտացած չԷ իր երդմնատվության արարողության ժամանակ սպասվող անձրեւի կապակցությամբ, քանի որ այն կօգնի ապացուցելու բոլորին, որ ինքը կեղծամ չի կրում, տեղեկացնում Է «Արմենպրես»-ը:
«Անձրեւ կարող Է լինել, կարող Է չլինել, դա կարեւոր չԷ: Ինձ համար միեւնույն Է»,-ասել Է Թրամփը Վաշինգտոնում կայացած ընդունելության ժամանակ, որը հեռարձակել Է CNN հեռուստաալիքը:
«Եթե այնուամենայնիվ անձրեւ սկսվի, դա լավ Է, որովհետեւ մարդիկ կհասկանան, որ սրանք իմ իսկական մազերն են: Իհարկե, մազերս կխառնվեն, բայց նրանք կտեսնեն, որ դրանք իմ իսկական մազերն են»,-կատակել Է նորընտիր նախագահը:
Դոնալդ Թրամփի սանրվածքն արդեն երկար ժամանակ քննարկման առարկա Է սոցիալական ցանցերում: Բազմաթիվ օգտատերեր կարծում են, որ Թրամփը կեղծամ Է կրում:
Թրամփը երդում կտա եւ ԱՄՆ-ի 45-րդ նախագահը կդառնա հունվարի 20-ին Վաշինգտոնում բաց երկնքի տակ Կապիտոլիումի մոտ կայանալիք արարողությանը, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում