ԱՄՆ-ում չեղյալ Է հայտարարվել Թրամփի պաշտոնակալության առթիվ վետերանների պարահանդեսը
15:03, 20 Հունվար 2017
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի նորընտիր նախագահ Դոնալդ Թրամփի խորհրդական Լուիս Քինյոնեսը հայտարարել Է Վաշինգտոնում Թրամփի պաշտոնակալության առթիվ վետերանների համար պարահանդեսն անվտանգության նկատառումներով չեղյալ հայտարարելու մասին: Ինչպես տեղեկացնում Է «Արմենպրես»-ը, այդ մասին գրել Է Washington Post թերթը:
Միեւնույն ժամանակ, թերթի աղբյուրի տվյալներով՝ պարահանդեսի չեղարկման պատճառ են դարձել ֆինանսական խնդիրները:
Marriott Marquis հյուրանոցում վետերանների համար պարահանդեսը նշանակված Էր հունվարի 20-ի երեկոյան: Քինյոնեսը պատմել Է, որ խնդիրներ, իրոք, ծագել են միջոցառման վճարման փուլում. հյուրանոցը 50 տոկոս կանխավճար Է պահանջել:
«Անկանխիկ վճարը պատրաստ Էր, երբ մեզ ասացին, որ միջոցառման անվտանգության պահանջները կատարված չեն»,- հավելել Է Քինյոնեսը:
Marriott հյուրանոցների ցանցի ներկայացուցիչը հրաժարվել Է քննարկել չկայացած գործարքի մանրամասները, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում