Թուրքիան Սիրիայի հյուսիսում հարվածել է ԻՊ դիրքերին
14:10, 19 Հունվար 2017
ԵՐԵՎԱՆ, 19 ՀՈՒՆՎԱՐԻ, ԱՐՄԵՆՊՐԵՍ: Թուրքիայի զինված ուժերը հայտարարություն են արել Սիրիայի հյուսիսում «Եփրատի վահան» գործողության շրջանակում «Իսլամական պետություն» ահաբեկչական խմբավորմանը պատկանող թիրախներին նոր հարվածներ հասցնելու մասին: Ինչպես հաղորդում է «Արմենպրես»-ը, այս մասին տեղեկացնում է թուրքական «Անադոլու» գործակալությունը:
Թուրքական օդուժը հարվածել է ԻՊ-ին պատկանող 164 թիրախի` ոչնչացնելով ապաստարաններ, զենք և մեքենաներ:
Թուրքիան Սիրիայի տարածքում 2016 թվականի օգոստոսի 24-ից իրականացնում է «Եփրատի վահան» անունը կրող գործողություն: «Իսլամական պետություն» խմբավորման դեմ պայքարելու պատրվակով թուրքական ուժերը հիմնական հարվածը հասցնում են Սիրիայի քրդերին:
Բաժանորդագրվեք մեր ալիքին Telegram-ում