Աշխարհում ամենաթանկ բնակարաններով քաղաքների վարկանիշը գլխավորել են Ասիայի մեգապոլիսները
15:49, 18 Հունվար 2017
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Լայն հանրության համար բնակարանի մատչելիությունը նվազագույնն Է Ասիայի չորս քաղաքներում. միջին եկամուտներով բնակիչները Հոնկոնգում, Մումբայում, Պեկինում եւ Շանհայում պետք Է ավելի քան 30 տարի փող կուտակեն 90 քառակուսի մետր մակերեսով բնակարան գնելու համար: Այդ մասին, ինչպես տեղեկացնում Է «Արմենպրես»-ը, ասված Է Oxford Economics վերլուծական ընկերության հետազոտության մեջ:
Ամենաթանկ բնակարանների վարկանիշում հինգերորդ տեղում Է Լոնդոնը: Տասնյակում տեղ են գտել նաեւ Տոկիոն, Սինգապուրը, Փարիզը, Նյու Յորքը եւ Սեուլը:
«Մենք սպասում ենք, որ հետագայում բնակարանի գների բարձրացման տեմպերն ամբողջ Ասիայում կլինեն ավելի զուսպ, իսկ առանձին տեղերում գները կարող են նաեւ իջնել»,- տեսության մեջ գրել են Oxford Economics-ի տնտեսագետներ Տյանցզե Հեն եւ Լուիս Քույսը, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում