Երեխաները կյանքի առաջին հինգ ամիսներին ընդմիշտ մտապահում են իրենց մայրենի լեզուն. գիտնականներ
14:03, 18 Հունվար 2017
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Գիտնականները պարզել են, որ մայրենի լեզվի իմացությունը, որը երեխաներն ստանում են կյանքի առաջին հինգ ամիսներին, երբեք չի կորչում, տեղեկացնում Է «Արմենպրես»-ը՝ հղում անելով BBC-ին:
Այդ Է ապացուցում այն երեխաների կյանքի ուսումնասիրությունը, որոնք ծնվել Էին Հարավային Կորեայում, իսկ այնուհետեւ, որդեգրված լինելով հոլանդացիների կողմից, ապրելու Էին տեղափոխվել Նիդեռլանդներ:
Այս մարդիկ արդեն հասուն տարիքում շատ ավելի լավ են արտաբերում կորեական բառերը, քան կարելի Էր ակնկալել: Մինչդեռ նրանք վստահ Էին, որ կորցրել են իրենց մայրենի լեզուն:
Ընդ որում դա վերաբերել Է նաեւ այն երեխաներին, որոնք որդեգրված են եղել մինչեւ իրենց խոսել սովորելը:
Գիտնականների կարծիքով՝ երեխաները մտապահում են այն լեզուն, որով իրենց հետ խոսում են կյանքի առաջին հինգ ամիսներին:
Գիտնականները պարզաբանում են, որ այս ուսումնասիրությունը ցույց Է տալիս երեխաների հետ խոսելու կարեւորությունը:
Բաժանորդագրվեք մեր ալիքին Telegram-ում