ԼՂՀ ԱԺ-ն որոշել է սահմանադրական փոփոխությունների նախագիծը դնել հանրաքվեի
14:36, 17 Հունվար 2017
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Արցախի Ազգային ժողովը հունվարի 17-ին ձայների 20 կողմ, 7 դեմ եւ 1 ձեռնպահ հարաբերակցությամբ որոշել է հանրաքվեի դնել սահմանադրական փոփոխությունների նախագիծը: Այս մասին տեղեկացնում է «Արմենպրես»-ը` վկայակոչելով Արցախի Ազգային ժողովի պատգամավոր Հայկ Խանումյանի ֆեյսբուքյան էջի գրառումը:
«ԱԺ-ն որոշեց հանրաքվեի դնել սահմանադրական փոփոխությունների նախագիծը: Դեմ են քվեարկել «Դաշնակցություն» և «Վերածնունդ» խմբակցությունները, ձեռնպահ՝ «Շարժում-88» խմբակցությունը, կողմ՝ «Ազատ Հայրենիք» և «Ժողովրդավարություն» խմբակցությունները»,- նշված է պատգամավորի գրառման մեջ:
Բաժանորդագրվեք մեր ալիքին Telegram-ում