Դահուկավազքում գրանցած արդյունքներում որոշակի առաջընթաց կա
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ: Հայաստանի դահուկավազքի առաջնությունից հետո որոշակի առաջընթաց կա հայ մարզիկների գրանցած արդյունքներում:
Այս մասին «Արմենպրես»-ի հետ զրույցում ասաց Հայաստանի դահուկավազքի ֆեդերացիայի գլխավոր քարտուղար Գագիկ Սարգսյանը: «Ես գոհ եմ մինչ այս գրանցված արդյունքներից. դրանք մրցունակ են միջազգային մրցաշարերում: Մենք որոշակի առաջընթաց ունենք դահուկավազքում գրանցած արդյունքներում: Դա են վկայում այն վարկանիշային միավորները, որ մեր մարզիկները ձեռք բերեցին Հայաստանի առաջնությունում: Հաշվի առնելով այս առաջնության արդյունքները՝ կձևավորենք ազգային հավաքականներ»,-ընդգծեց Սարգսյանը:
Հայաստանի դահուկավազքի առաջնության ավարտից հետո ֆեդերացիան կնախապատրաստվի լեռնադահուկային սպորտի ազգային և աշխարհի առաջնություններին:
Բաժանորդագրվեք մեր ալիքին Telegram-ում