Թուրքիայի Շըրնաք գավառում ահաբեկչություն է տեղի ունեցել
20:33, 16 Հունվար 2017
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Թուրքիայի Շըրնաք գավառում ահաբեկիչները ինքնաշեն պայթուցիկներով պայթյուն են իրականացրել:
Այս մասին, ինչպես հաղորդում է «Արմենպրես»-ը, հայտնում է թուրքական trthaber.com-ը:
Պայթյունի հետևանքով Շըրնաքի գավառապետարանի 5 աշխատակիցներ վիրավորվել են:
Վիրավորները տեղափոխվել են Շըրնաքի հիվանդանոց:
Հունվարի 16-ին պայթյուն էր իրականացվել նաեւ Թուրքիայի Դիարբեքիրի նահանգի Սուր շրջանում: Պայթեցվել էր ոստիկաններ տեղափոխող ավտոմեքենա:
Դիարբեքիրում տեղի ունեցած պայթյունի հետևանքով զոհերի թիվը հասել է 3-ի:
Նախնական տվյալներով՝ ոստիկանական մեքենայի վրա հարձակման մեջ մեղադրվում են Քրդստանի բանվորական կուսակցության(PKK) զինյալները:
Բաժանորդագրվեք մեր ալիքին Telegram-ում