Երուսաղեմի իսլամական արվեստի թանգարանում Հայոց ցեղասպանությանը նվիրված ցուցահանդես է բացվել
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Երուսաղեմի իսլամական արվեստի թանգարանում տեղի է ունեցել Հայոց ցեղասպանությանը նվիրված «Եվրոպայի հիվանդ մարդը` կոմպոզիտորը» խորագիրը կրող ցուցահանդեսը: Ինչպես «Արմենպրես»-ին տեղեկացրեց Երուսաղեմի Հայոց պատրիարքարանի դիվանապետ Կորյուն վարդապետ Բաղդասարյանը, ցուցահանդեսին, ի թիվս այլ հյուրերի, ներկա է գտնվել նաև ձախակողմյան Մերեց կուսակցությունը ներկայացնող Երուսաղեմի նախկին փոխքաղաքապետը:
Ցուցահանդեսի ընթացքում ներկայացվել է Կոմիտաս վարդապետին նվիրված իսրայելացի արվեստագետ Դոր Գուեզի պատրաստած ֆիլմը:
Ցուցահանդեսի բացումից առաջ ելույթ է ունեցել Ժառանագավորաց վարժարանի երգչախումբը: Ներկաներին իրենց խոսքն են ուղղել նաև թանագարանի տնօրեն և Դոր Գուեզը: Ցուցահանդեսը շարունակվելու է մինչև մարտի վերջը:
Բաժանորդագրվեք մեր ալիքին Telegram-ում