«Յուվենթուս»-ը աշխարհի առաջնությունից հետո պատրաստ կլինի Դիբալային բաց թողնել 200 միլիոն եվրոյի դիմաց
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Մադրիդի «Ռեալ».-ը շարունակում է հետաքրքրվել իտալական «Յուվենթուս»-ի արգենտինացի հարձակվող Պաուլո Դիբալայի ծառայություններով:
Ինչպես հաղորդում է` «Արմենպրես»-ը, վկայակոչելով իսպանական As պարբերականը, «Յուվենտուսը» մոտ է Դիբալայի հետ նոր պայմանագիր կնքելուն, ըստ որի ֆուտբոլիստը տարեկան կվաստակի 7 միլիոն եվրո, իսկ պայմանագրում հրաժարագին նշված չի լինի:
Թուրինյան ակումբը չի պատրաստվում առաջիկայում վաճառել Դիբալայի տրանսֆերային իրավունքները, սակայն աշխարհի 2018թ. առաջնությունից հետո դիտարկելու է այդ տարբերակը:
Դիբալայի ծառայություններով հետաքրքրված են «Ռեալն» ու «Բարսելոնան»: Ըստ աղբյուրի՝ «Յուվենթուս»-ը պատրաստ կլինի Աշխարհի առաջնությունից հետո Դիբալային բաց թողնել 200 միլիոն եվրոյի դիմաց:
Բաժանորդագրվեք մեր ալիքին Telegram-ում