430-կիլոգրամանոց պակիստանցին որոշել Է ժամանակակից Հերկուլես դառնալ
15:24, 13 Հունվար 2017
ԵՐԵՎԱՆ, 13 ՀՈՒՆՎԱՐԻ, ԱՐՄԵՆՊՐԵՍ: Պակիստանցի Արբաբ Խիզեր Հայաթը, որը կշռում Է 430 կիլոգրամ, իրեն հայտարարել Է աշխարհի ամենաուժեղ մարդը, ինչպես նաեւ ցանկություն Է հայտնել պատմության մեջ մտնել որպես ժամանակակից Հերկուլես: Այս մասին, ինչպես տեղեկացնում Է «Արմենպրես»-ը, գրել Է Daily Mail-ը:
25-ամյա տղամարդը պատմել Է, որ պլանավորում Է դառնալ պրոֆեսիոնալ ռեսթլեր եւ փաուերլիֆթինգի չեմպիոն: «Դա լոկ ժամանակի հարց Է»,- նշել Է նա:
Հալքի, ինչպես նրան անվանել են հայրենակիցները (ի պատիվ Marvel պատկերապատումների հերոսի) խոսքով՝ ինքը շնորհակալ Է Աստծուն իր մարմնի կազմվածքի համար եւ կցանկանար ավելի մեծ քաշ ունենալ: Դրա համար տղամարդն օրական գործածում Է 10 հազար կիլոկալորիա. մասնավորապես, նախաճաշին ուտում Է 36 ձու, օրական ավելի քան երեք կիլոգրամ միս եւ շուրջ հինգ լիտր կաթ:
Հայաթի հասակը 190 սանտիմետր Է: Պակիստանցու պնդմամբ՝ ինքն առողջության հետ կապված ոչ մի խնդիր չունի իր գաբարիտների ատճառով:
«Եվ ես անհարմարություն չեմ զգում իմ քաշից»,- ընդգծել Է «Հերկուլեսը»:
Աշխարհի ամենաուժեղ մարդն ամերիկացի Բրայան Շեուն Է: Չեմպիոնը որոշվում Է ամեն տարի World՚s Strongest Man միջազգային մրցությունում:
Աշխարհում ամենածանր մարդը ներկայում ապրողների թվից Սաուդյան Արաբիայի բնակիչ Խալիդ Բին Մոհսեն Շաարին Է: Նա կշռում Է 610 կիլոգրամ:
Բաժանորդագրվեք մեր ալիքին Telegram-ում