Ժամանակը Երևանում՝ 11:07:36,   21 Հունվար

Թուրքագետը չի բացառում գերտերությունների կողմից Մերձավոր Արեւելքի նոր քաղաքական քարտեզի մշակումը


ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: Հայաստանը պետք է ավելի ակտիվ դիվանագիտություն վարի Մերձավոր Արեւելքում: «Արմենպրես»-ի հաղորդմամբ՝ լրագրողների հետ զրույցում նման կարծիք հայտնեց թուրքագետ Ռուբեն Սաֆրաստյանը:

«Իրադրությունը, որը ծավալվում է մեր շուրջ Մերձավոր Արեւելքում, պահանջում է նպատակասլաց դիվանագիտական գործունեություն: Չի բացառվում, որ առաջիկայում գերտերությունների կողմից կնախագծվի Մերձավոր Արեւելքի նոր քաղաքական քարտեզ»,-ընդգծեց նա:

Անդրադառնալով հայ-թուրքական հարաբերությունների առաջխաղացմանը՝ Ռուբեն Սաֆրաստյանը նշեց, որ դեռեւս դրական նախադրյալներ չկան:

«Չեմ էլ սպասում, որ մոտակա շրջանում ինչ-որ նախադրյալներ  կլինեն: Թուրքիան այժմ ներգրավված է մեծ խաղերի մեջ Մերձավոր Արեւելքում, ունի ներքին ծանր խնդիրներ: Չեմ կարծում, որ  նման պայմաններում Էրդողանի  կառավարությունը կգնա հարաբերությունների կարգավորման»,-եզրափակեց թուրքագետը:

 



Տպել    |  In English

Լրահոս

Բոլոր նորությունները    


Яндекс.Метрика
Էջի կարգավորումներ