Սինգապուրի բնակչուհիներից մեկը տեղի օդանավակայանում ապրել Է ութ տարի
16:27, 10 Հունվար 2017
ԵՐԵՎԱՆ, 10 ՀՈՒՆՎԱՐԻ, ԱՐՄԵՆՊՐԵՍ: Սինգապուրի բնակչուհիներից մեկն ութ տարի շարունակ ապրել Է տեղի միջազգային օդանավակայանում: Այդ մասին, ինչպես տեղեկացնում Է «Արմենպրես»-ը, հայտնել Է Strait Times հրատարակությունը:
Ի տարբերություն սպասասրահի հարեւանների, որոնք այստեղ հայտնվել Էին բնակարանի կամ փաստաթղթերի հետ կապված խնդիրների պատճառով, նա երեքսենյականոց բնակարան ունի քաղաքի հարեւան շրջանում:
2008 թվականի ֆինանսական ճգնաժամից հետո նա փողի պակաս Է ունեցել եւ որոշել Է դժվարին օրերն անցկացնել օդանավակայանում, բայց արդյունքում այնտեղ երկար տարիներ Է մնացել: Կինն իր բնակարանը վարձով Է տվել:
Նա վարժվել Է օդանավակայանի հարմարություններին: Սպասասրահներում մշտապես աշխատում են օդափոխիչները, գործում են ֆուդ-կորտ եւ սուպերմարկետներ, կարելի Է օգտվել ցնցուղից եւ անվճար Wi-Fi-ից: Նա պլանավորում Է վաճառել բնակարանը, բայց առայժմ չի պատրաստվում հեռանալ օդանավակայանից:
Բացի նրանից, Սինգապուրի օդանավակայանում մշտապես ապրում Է շուրջ տասը մարդ:
Բաժանորդագրվեք մեր ալիքին Telegram-ում