ԵՐԵՎԱՆ, 15 ԴԵԿՏԵՄԲԵՐԻ, ԱՐՄԵՆՊՐԵՍ: Անհայտ հաքերները կարող Էին 2013 թվականին հափշտակել Yahoo-ի ծառայությունների ավելի քան 1 մլրդ օգտատերերի տվյալները: Այդ մասին, ինչպես տեղեկացնում Է «Արմենպրես»-ը, ասված Է ինտերնետ-ընկերության կայքում հրապարակված հայտարարության մեջ:

«Քրեագետ-փորձագետների կողմից տվյալների վերլուծման հիման վրա մենք ենթադրում ենք, որ 2013 թվականի օգոստոսին երրորդ կողմի չարտոնված ներթափանցումը հանգեցրել Է ավելի քան 1 մլրդ օգտատերերի տվյալների հափշտակման»,-նշվում Է հաղորդագրության մեջ:

Ըստ Yahoo-ի տվյալների, խոսքը կարող Է վերաբերել օգտարերերի անուններին, Էլեկտրոնային փոստի հասցեներին, հեռախոսահամարներին, ծննդյան թվերին, գաղտնաբառերին եւ դրանց փոխարինման հանգուցային հարցերին: Միեւնույն ժամանակ ընկերությունը ենթադրում Է, որ հաքերներին չի հաջողվել հափշտակել բանկային հաշիվներին ու քարտերին վերաբերող տեղեկությունները:

Բացահայտված կոտրանքի կապակցությամբ Yahoo-ն հորդորել Է իր բոլոր օգտատերերին՝ փոխել գաղտնաբառերը, ինչպես նաեւ հայտարարել Է, որ համագործակցում Է կիբեռգրոհը հետաքննող իրավապահ մարմինների հետ: