Ադրբեջանում քաղաքացիական ակտիվիստը դատապարտվել է 10 տարվա ազատազրկման
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Դեկտեմբերի 8-ին Բաքվի ծանր հանցագործությունների դատարանում տեղի է ունեցել Ադրբեջանում գործող Nida քաղաքացիական շարժման ակտիվիստ Բայրամ Մամեդովի դատը:
Այս մասին, ինչպես հաղորդում է «Արմենպրես»-ը, հայտնում է ադրբեջանական azadliq.info լրատվական գործակալությունը:
Բայրամ Մամեդովը դատապարտվել է 10 տարվա ազատազրկման:
Ակտիվիստը դատապարտվել է Ադրբեջանի քրեական օրենսգրքի 234 հոդվածով`
թմրանյութերի անօրինական ձեքբերման, պահպանման եւ իրացման հատկանիշներով:
Ադրբեջանի ոստիկանությունը եւ անվտանգության ուժերը հետեւողականորեն շարունակում են օգտագործել բոլոր միջոցները՝ հետապնդելու իշխանություններին քննադատող անձանց: Այս նպատակով Ադրբեջանում լայնորեն կիրառվում է շանտաժը, անձնական կյանքի վերաբերյալ տեսանյութերի հրապարակումը, նրանց դեմ ուղղված հարկերից խուսափելու, թմրամոլության եւ խուլիգանության մեղադրանքները:
Բաժանորդագրվեք մեր ալիքին Telegram-ում