Հունաստանը հրաժարվել է Թուրքիային հանձնել երկրից փախած ևս երկու զինվորականի
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Հունաստանի դատարանը մերժել է Թուրքիայի պահանջը` վերադարձնելու ռազմական հեղաշրջման փորձից հետո երկրից փախած զինվորներից ևս երկուսին: Ինչպես հաղորդում է «Արմենպրես»-ը, այս մասին տեղեկացնում է թուրքական HaberTurk լրատվամիջոցը:
Ավելի վաղ դատարանը կայացրել էր ևս երկու որոշում` վճռելով Թուրքիային հանձնել Հունաստան փախած 8 զինվորներից երեքին, իսկ մյուս երեքի գործով դատարանը մերժել էր թուրքական կողմի հայցը:
Թուրքիայում հուլիսի 15-ին ձախողված ռազմական հեղաշրջման փորձից հետո ապօրինի ճանապարհով 8 թուրք զինվոր ուղղաթիռով փախել էին Հունաստանի Ալեքսանդրուպոլիս քաղաք : Երկրի տարածք մուտք գործելու հիմնավորմամբ դատարանը թուրք զինվորներին դատապարտել էր երկու ամիս ազատազրկման:
Թուրքիան պահանջել էր անմիջապես իրեն հանձնել բոլոր ութ զինվորներին:
Բաժանորդագրվեք մեր ալիքին Telegram-ում