Հովհաննես Գաբուզյանը տոնեց 4-րդ հաղթանակը շախմատի Հռոմի մրցաշարում
14:47, 8 Դեկտեմբեր 2016
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ: Իտալիայում շարունակվում է շախմատի Հռոմի բաց առաջնությունը, որտեղ հանդես է գալիս նաև Հովհաննես Գաբուզյանը:
«Արմենպրես»-ի հաղորդմամբ՝ տեղի ունեցան մրցաշարի 5-րդ տուրի պարտիաները, Հովհաննես Գաբուզյանը հաղթեց Սմիթ Ֆրանսին: Այժմ Գաբուզյանն իր ակտիվում գրանցել է 4.5 միավոր և միայն կես միավորով է հետ մնում մրցաշարի միանձնյա առաջատար Վիտալի Կոզիակից, ով 5 հնարավորից վաստակել է 5 միավոր: Այսօր կայանալիք 6-րդ տուրում Գաբուզյանի մրցակիցն է լինելու մրցաշարում ամենաբարձր գործակից ունեցող Սերգեյ Ժիգալկոն:
Բաժանորդագրվեք մեր ալիքին Telegram-ում