Թրամփը որպես պետքարտուղարի թեկնածու դիտարկում է նաև Ջեյմս Ստավրիդիսի թեկնածությունը
21:22, 7 Դեկտեմբեր 2016
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: ԱՄՆ նորընտիր նախագահ Դոնալդ Թրամփը պետքարտուղարի պաշտոնում դիտարկում է Ֆլեթչերի իրավունքի և դիվանագիտության դպրոցի դեկան Ջեյմս Ստավրիդիսի թեկնածությունը:
Ինչպես հաղորդում է «Արմենպրես»-ը` վկայակոչելով «Ռիա Նովոստի»-ն, Թրամփի անցումային խմբի ներկայացուցիչ Շոն Սպայսերը նշել է, որ պետքարտուղարի թեկնածուների անուններ չեն հրապարակվելու:
Նրա խոսքով` այս խնդրի առնչությամբ Թրամփն արդեն անցկացրել է շուրջ 80 հանդիպումներ: Նա նաև նախատեսում է հանդիպել Չիկագոյի քաղաքապետ Ռամ Էմանուելի հետ, ով Օբամայի վարչակազմի առաջին տարիներին աշխատել է նաև որպես Սպիտակ տան աշխատակազմի ղեկավար:
Բաժանորդագրվեք մեր ալիքին Telegram-ում