Մանկական բեսթսելեր 4/11. «Արև, արև, եկ, եկ» գիրքը գլխավորում է ամենավաճառվածների ցանկը
ԵՐԵՎԱՆ, 7 ԴԵԿՏԵՄԲԵՐԻ, ԱՐՄԵՆՊՐԵՍ: «Արմենպրես» լրատվական գործակալության «Մանկական բեսթսելեր» հեղինակային նախագիծն ամփոփում է այս տարվա նոյեմբերի ցուցանիշները: Վարկանիշային աղյուսակի առաջին հորիզոնականում«Արև, արև, եկ, եկ» մանկական բանաստեղծությունների ժողովածուն է, որում զետեղված են տարբեր սերնդի հայ մանկագիրների ստեղծագործությունները:
«Հեքիաթներ արքայադուստրերի մասին» գիրքը զիջել է իր դիրքը և այս անգամ երկրորդն է: «Արքայադուստր Լինդան», «Կեռնեխ թագավորը» և «Ոսկեծամիկը» հեքիաթները դաստիարակչական են, անչափ հուզիչ և գեղեցիկ: Այս բոլոր հեքիաթները մեկտեղված են վերոնշյալ գրքում, որը լույս է ընծայել «Բուկինիստ» հրատարակչությունը:
Երրորդ հորիզոնականում կրկին «Հեքիաթներ տղաների համար» գրքույկն է: «Ագահ Մեդոկը», «Ֆինվարայի կախարդական գավաթը» և «Հավեյն ասպետի պսակադրությունը» տղաներին կսովորեցնեն լինել քաջ, բարի, մեծահոգի և հնարամիտ:
Մանկական բեսթսելերի չորրորդ տեղում «Արևիկ» հրատարակչության լույս ընծայած՝Հանս Քրիստիան Անդերսենի «Հեքիաթներ» գիրքն է: Այս հեքիաթները քաջ հայտնի են բոլոր փոքրիկներին ոչ միայն գրքի, այլ նաև մուլտֆիլմերի ու գեղարվեստական լիամետրաժ ֆիլմերի տեսքով, քանի որ դրանց զգալի մասն էկրանավորվել է:
Էդիթ պրինտի հրատարակած «Քչից-շատից, ամեն ինչից» մանկական հանրագիտարանը զբաղեցրել է հինգերորդ հորիզոնականը:
Ջ. Ռոուլինգի ողջ աշխարհում մեծ աղմուկ բարձրացրած «Հարի Փոթերը և Փիլիսոփայական քարը» գիրքը վեցերորդն է: Տասնմեկամյա Հարի Փոթերը որբ է, և ապրում է մորաքրոջ ընտանիքի հետ: Նա չի էլ կասկածում, որ ինքը իսկական հրաշագործ է: Մի օր մի բու է գալիս և մի նամակ է բերում Հարիի համար, որը փոխում է նրա կյանքը մեկընդմիշտ:
«Հեքիաթներ բարու և չարի մասին» ստեղծագործությունը երկրորդ տեղից գահավիժել է յոթերորդ հորիզոնական:
«Դինոզավր Դեյզիի հակադրությունները» խաղ գիրք է և այն ութերորդն է ամենավաճառվածների ցանկում:
Ալեքսանդր Պուշկինի «Հեքիաթ ձկնորսի և ձկան մասին» վերնագրով հեքիաթների ժողովածուն կորցրել է իր դիրքերը` հայտնվելով իններորդ հորիզոնականում: Այն ընդգրկում է նաև «Քնած գեղեցկուհու և յոթ քաջերի հեքիաթը»:
Ցանկն այս ամիս եզրափակում է «Կախարդական զամբյուղը գիրքը», որում նրառված են աշխարհի ժողովուրդների լավագույն հեքիաթները, որոնք ոչ միայն կօգնեն ներթափանցել կախարդական աշխարհ, այլև դառնալ գրքի հերոսը:
Վարկանիշային ցուցակի կազմման հարցումներին մասնակցել են «Բուկինիստ» (53-74-13), «Նարեկ» (51-91-36), «Զանգակ» (23-26-49) գրախանութները, 7-րդ տաղավար-գրախանութը (077-24-54-81): Հարցման ժամանակ հաշվի չեն առնվել դասագրքերը:
«Մանկական բեսթսելերը» ներկայացրեց Անժելա Համբարձումյանը
Տեղ | Գիրք | Հրատ. | Քանակ | |
1 | «Արև, արև, եկ, եկ» | Էդիթ պրինտ | 62 | |
2 | «Հեքիաթներ արքայադուստրերի մասին» | Բուկինիստ | 55 | |
3 | «Հեքիաթներ տղաների համար» | Բուկինիստ | 53 | |
4 |
Հանս Քրիստիան Անդերսեն «Հեքիաթներ» |
Արևիկ | 52 | |
5 | «Քչից-շատից, ամեն ինչից» | Էդիթ պրինտ | 49 | |
6 |
Ջ. Ռոուլինգ «Հարի Փոթերը և Փիլիսոփայական քարը» |
Զանգակ | 35 | |
7 | «Հեքիաթներ բարու և չարի մասին» | Բուկինիստ | 29 | |
8 | «Դինոզավր Դեյզիի հակադրությունները» | Արևիկ | 27 | |
9 |
Ալեքսանդր Պուշկին «Հեքիաթ ձկնորսի և ձկան մասին» |
Բուկինիստ | 25 | |
10 | «Կախարդական զամբյուղը գիրքը» | Արևիկ | 25 |
Բաժանորդագրվեք մեր ալիքին Telegram-ում