Ժամանակը Երևանում՝ 11:07:36,   5 Մարտ

Ապրիլյան պատերազմից հետո Ալիևը հասկացել է, որ ռազմական ճանապարհով չի կարող խնդիրը լուծել. Արտակ Զաքարյան

Ապրիլյան պատերազմից հետո Ալիևը հասկացել է, որ ռազմական ճանապարհով չի կարող 
խնդիրը լուծել. Արտակ Զաքարյան

ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի և Ադրբեջանի նախագահների մակարդակով հանդիպումներն հույսի այն տարրերն են, որ խնդիրը կարող է տեղից շարժվել, որովհետև հանդիպման բացակայությունը կամ երկար ընդմիջումը բացասական ազդեցություն են ունենում Լեռնային Ղարաբաղի հակամարտության խաղաղ կարգավորման վրա: «Արմենպրես»-ի հետ զրույցում նման կարծիք հայտնեց Ազգային ժողովի արտաքին հարաբերությունների մշտական հանձնաժողովի նախագահ Արտակ Զաքարյանը: «Ադրբեջանի նախագահի ոչ կառուցողական մոտեցումները, իր երկրում ու բանակցությունների սեղանին միմյանցից տարբերվող հայտարարություններ անելը գլխավոր պատճառներից են, որ մենք այսօր ունենք ձգձգված և այս պահի դրությամբ լուծման հեռանկար չունեցող հակամարտություն: Հայաստանը շարունակում է լինել Լեռնային Ղարաբաղի Հանրապետության բնակչության անվտանգության երաշխավորը և խաղաղ բանակցություններով հարցի կարգավորմանը հասնելու ջատագովը: Հայաստանը միշտ պատրաստ է եղել ցանկացած մակարդակով հանդիպումների»,- ընդգծեց Զաքարյանը:

Պատգամավորը հավելեց, որ հայկական կողմը միշտ ասել է, որ այդ հանդիպումներից պետք է լինեն ակնկալիքներ, դրանք պետք է ունենան շարունակություն: Նրա խոսքով՝ հանդիպումները միշտ իմաստ են ունենում այն դեպքում, երբ դրանց ժամանակ ձեռք բերված պայմանավորվածությունները պահպանվում են: Երբ Վիեննայում Ադրբեջանը համաձայնում է հետաքննության մեխանիզմների տեղադրմանը և դա դառնում է կոնսենսուսով որոշված խնդիր, իսկ հետո հրաժարվում է այդ մեխանիզմների ներդրումից, դա չի կարող առողջացնել բանակցային մթնոլորտը: Սա խոսում է այն մասին, որ Ադրբեջանը տեսնում է մեկ ճանապարհ՝ ավանտյուրաներ, կոնֆլիկտային իրավիճակի ձգձգում, պատերազմի վտանգ և պատրանք ստեղծել»,- նշեց Արտակ Զաքարյանը:

Ազգային ժողովի արտաքին հարաբերությունների մշտական հանձնաժողովի նախագահն այն կարծիքին է, որ Ադրբեջանի նախագահը նման կերպ փորձում է լուծել մեկ խնդիր՝ երկարացնել իր և իր ընտանիքի իշխանությունը: Նրա խոսքով՝ Ալիևը վախի և թշնամանքի մթնոլորտում է պահում իր հասարակությանը, փորձում է ընդհանուր թշնամու կերպար ստեղծել, իսկ դա հեշտացնում է Ալիևի ռեժիմի ավտորիտար կառավարումը Բաքվում»,- նշեց նա:

Արտակ Զաքարյանը գտնում է, որ ապրիլյան պատերազմից հետո Ալիևը հասկացել է, որ ռազմական ճանապարհով չի կարող խնդիրը լուծել: «Հանուն իր իշխանության Ալիևը պատրաստ է իր բանակում գնալ մեծ զոհողությունների»,- եզրափակեց Զաքարյանը:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ