1000х90.jpg (78 KB)

Երևանում՝ 11:07,   29 Մարտ 2024

ԵԱՀԿ-ն կոչ է արել Ադրբեջանին ապաքրեականացնել զրպարտությունը

ԵԱՀԿ-ն կոչ է արել Ադրբեջանին ապաքրեականացնել զրպարտությունը

ԵՐԵՎԱՆ, 17 ՆՈՅԵՄԲԵՐԻ, ԱՐՄԵՆՊՐԵՍ: ԵԱՀԿ մամուլի ազատության հարցերով ներկայացուցիչ Դունյա Միյատովիչը հորդորել է Ադրբեջանի իշխանություններին բարեփոխումներ մտցնել երկրի զրպարտության օրենսդրության մեջ: Այս մասին «Արմենպրես»-ին տեղեկացրին ԵԱՀԿ գրասենյակից:

Ադրբեջանի գլխավոր դատախազը նոյեմբերի 15-ին խորհրդարանում ներկայացրել էր քրեական օրենսգրքում փոփոխությունների առաջարկ, որոնք նախատեսում են պատասխանատվության ենթարկել երկրի նախագահի արժանապատվությունը և պատիվն առցանց վարկաբեկելու դեպքում: Նոր փոփոխություններով նախատեսվում է պատասխանատվության ենթարկել նաև «կեղծ հաշիվներից» արված արտահայտությունների համար: Բացի տուգանքների սահմանումից, նախատեսվում է որպես պատիժ կիրառել նաև ազատազրկումը:

«Ընդունվելու պարագայում այս փոփոխությունները բացասական ազդանշան կլինեն երկրում խոսքի և մեդիայի ազատության վիճակի վերաբերյալ: Ես կրկին կոչ եմ անում իշխանություններին կատարել նախկինում արված խոստումը Ադրբեջանում զրպարտությունը ապաքրեականացնելու վերաբերյալ»,- ասել է Միյատովիչը` առաջարկելով իր գրասենյակի աջակցությունը երկրում մեդիայի ազատության վիճակի բարելավման հարցում: 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]