Չեռնոգորիայի ազգային թիմի մարզիչը զարմացած է Հայաստանի հետ խաղի արդյունքից
00:12, 12 Նոյեմբեր 2016
ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Չեռնոգորիայի ազգային թիմի գլխավոր մարզիչ Լյուբիշա Տումբակովիչը զարմացած է Հայաստանի հետ խաղում վերջին պահին կրած պարտությունից:
«Մինչև որակավորման փուլի ավարտը դեռ մի քանի խաղ կա: Շնորհավորում եմ Հայաստանի ազգային թիմին: Մենք խաղը մի քիչ վատ սկսեցինք: Բայց ամբողջ խաղի ընթացքում մենք գիտեինք ինչ ենք ուզում: Ես իսկապես շատ զարմացած եմ»,-ասաց Լյուբիշա Տումբակովիչը:
Հայաստանի հավաքականը երկար դադարից հետո վերջապես հաղթանակ տոնեց: Աշխարհի առաջնության ընտրական փուլում Հայաստանի հավաքականը 3:2 հաշվով գերազանցեց Չեռնոգորիային:
Բաժանորդագրվեք մեր ալիքին Telegram-ում