Աբասը կոչ Է արել ընդլայնել Պաղեստինի եւ Իսրայելի հակամարտության կարգավորման մասնակիցների կազմը
ԵՐԵՎԱՆ, 11 ՆՈՅԵՄԲԵՐԻ, ԱՐՄԵՆՊՐԵՍ: Պաղեստինի վարչակազմի ղեկավար Մահմուդ Աբասը հանդես Է գալիս պաղեստինա-իսրայելական հակամարտության կարգավորման նոր մեխանիզմի ստեղծման օգտին՝ ձեւաչափի մասնակից պետությունների թվի ընդլայնմամբ:
«Մենք ասում ենք, որ անհրաժեշտ Է ընդլայնել մասնակից պետությունների թիվը՝ ի լրումն արաբական երկրների եւ հրավիրել միջազգային խորհրդաժողով, որը մեխանիզմ կմշակի 5+1 մեխանիզմի նմանությամբ եւ կսահմանի բանակցությունների եւ որոշումների իրագործման վերջնաժամկետը»,-ասել Է Աբասը նոյեմբերի 11-ին «Ինտերֆաքս»-ին տված հարցազրույցում:
«Իսրայելի ներկայիս կառավարությունը խույս Է տալիս պատասխանատվությունից եւ հույս ունի ժամանակ շահել հրեական բնակավայրերի ընդլայնման իր գործունեությունն ակտիվացնելու եւ երկպետական որոշումը վերացնելու համար: Իսրայելի իշխանությունների այս պրակտիկան ի չիք Է դարձրել Մերձավորարեւելյան քառյակի ջանքերը»,-հավելել Է նա:
Բաժանորդագրվեք մեր ալիքին Telegram-ում