Ժամանակը Երևանում՝ 11:07:36,   4 Ապրիլ

Նոյեմբերի 10-ին կմեկնարկեն «ՆԱՏՕ-Վրաստան-2016» տասնօրյա հրամանատարաշտաբային վարժանքները

Նոյեմբերի 10-ին կմեկնարկեն «ՆԱՏՕ-Վրաստան-2016» տասնօրյա հրամանատարաշտաբային վարժանքները

ԵՐԵՎԱՆ, 7 ՆՈՅԵՄԲԵՐԻ, ԱՐՄԵՆՊՐԵՍ: Թբիլիսիի մերձակա Կրծանիսում ՆԱՏՕ-ի եւ Վրաստանի մարզման եւ գնահատման համատեղ կենտրոնի տարածքում նոյեմբերի 10-ից մինչեւ 20-ը կանցկացվեն «ՆԱՏՕ-Վրաստան-2016» հրամանատարաշտաբային վարժանքները: Այդ մասին, ինչպես տեղեկացնում Է «Արմենպրես»-ը, հայտնել Է Վրաստանի պաշտպանության նախարարությունը:

Գերատեսչության տվյալներով՝ վարժանքներին, Վրաստանի զինված ուժերի սպաների հետ միասին, կմասնակցեն ՆԱՏՕ-ի անդամ 11 երկրների (Բելգիա, Բուլղարիա, Մեծ Բրիտանիա, Հունգարիա, Լատվիա, Լիտվա, Նիդեռլանդներ, Սլովենիա, Ռումինիա, Թուրքիա, ԱՄՆ) եւ դաշինքի գործընկեր երկու պետությունների (Մակեդոնիա եւ Ուկրաինա), ինչպես նաեւ Կարմիր խաչի միջազգային կոմիտեի, ՄԱԿ-ի փախստականների գործերի գերագույն կոմիսարիատի եւ Save The Children միջազգային բարեգործական կազմակերպության ներկայացուցիչները: Զորավարժություններին մասնակցող երկրների զորակազմերի թվաքանակի վերաբերյալ տեղեկություններ չեն ներկայացվում:

Պաշտպանական գերատեսչության տվյալներով՝ խոսքը վերաբերում Է «համատեղ բազմազգ հրամանատարաշտաբային վարժանքներին՝ բրիգադների մակարդակով հրամանատարների ու շտաբների մասնակցությամբ»: «Վարժանքների նպատակը Վրաստանի, ՆԱՏՕ-ի անդամ պետությունների ու գործընկերների զինված ուժերի համատեղելիության ապահովումն Է»,-հայտնել Է պաշտպանության նախարարությունը, հաղորդել Է «Գրուզիա Online»-ը:





https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ