Մատվիենկոն եւ Աբեն քննարկել են Ճապոնիա Պուտինի այցի նախապատրաստումը
ԵՐԵՎԱՆ, 1 ՆՈՅԵՄԲԵՐԻ, ԱՐՄԵՆՊՐԵՍ: Ռուսաստանի Դաշնության խորհրդի նախագահ Վալենտինա Մատվիենկոն նոյեմբերի 1-ին հանդիպում Է ունեցել Ճապոնիայի վարչապետ Սինձո Աբեի հետ, որի ընթացքում կողմերը քննարկել են հարաբերությունների զարգացումը, ինչպես նաեւ Ճապոնիա ՌԴ նախագահ Վլադիմիր Պուտինի այցի նախապատրաստումը: Այդ մասին, ինչպես տեղեկացնում Է «Արմենպրես»-ը, հայտնել Է Ճապոնիայի արտաքին գործերի նախարարությունը:
«Կարծիքների փոխանակում Է անցկացվել երկկողմ հարաբերությունների բոլոր ասպեկտների վերաբերյալ, ներառյալ Ճապոնիա նախագահ Պուտինի այցի նախապատրաստումը:
Մատվիենկոն պաշտոնական այցով գտնվում Է Ճապոնիայում, որը կշարունակվի մինչեւ նոյեմբերի 3-ը:
Սեպտեմբերի 2-ին Վլադիվոստոկում Արեւելյան տնտեսական համաժողովի շրջանակներում կայացել Էր ճապոնիայի վարչապետի եւ ՌԴ նախագահի հանդիպումը: Ամփոփելով դրա արդյունքները՝ Աբեն հայտարարել Էր, որ Պուտինի այցը Ճապոնիա տեղի կունենա ընթացիկ տարվա վերջին, իսկ նրանց հանդիպումը դեկտեմբերի 15-ին կանցկացվի կառավարության ղեկավարի հայրենի քաղաքում՝ Նագատոյում (Յամագուտայի պրեֆեկտուրա), հաղորդել Է ՏԱՍՍ գործակալությունը:
Բաժանորդագրվեք մեր ալիքին Telegram-ում