Թուրքիայում ձերբակալել են ընդդիմադիր «Ջումհուրիեթ» թերթի գլխավոր խմբագրին
09:44, 31 Հոկտեմբեր 2016
ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքիայի ոստիկանությունը գործողություն է իրականացրել ընդդիմադիր «Ջումհուրիեթ» պարբերականի աշխատակիցների դեմ: Ինչպես հաղորդում է «Արմենպրես»-ը` վկայակոչելով պարբերականի կայքը, ոստիկանությունը հետախուզում է իրականացրել «Ջումհուրիեթ»-ի գլխավոր խմբագիր Մուրաթ Սաբունջուի, գործադիր տնօրեն Աքըն Աթալայի և լրագրող Գուրայ Օզի տներում:
Գլխավոր խմբագիր Սաբունջուն և լրագրող Օզը ձերբակալվել են: Աթալայը երկրում չի գտնվել, ուստի նրան ձերբակալելու մասին որոշում է կայացվել:
Թե որն է թուրքական ոստիկանության կողմից ընդդիմադիր թերթի դեմ իրականացված գործողության պատճառը, դեռևս հայտնի չէ:
Բաժանորդագրվեք մեր ալիքին Telegram-ում